Sisimiut
Katersugaasiviani misissuilluni
ilisimatusarneq
|
|
Misissuilluni
ilisimatusarneq:
|
|
Akisussaasoq: misissuisut avataaniit peqataasut.
Attaveqarfissaq jcm@77jcm.net
Ukiuni 2006 - 08-mi Københavnip
Universitetiani Institut for Eskimilogip
ataani nunatsinni inuit
illoqarfinnut nutserarnerat
ilisimatusarluni misissuiffigineqarnissaanut
Sisimiut Katersugaasiviat peqataassaaq.
Katersugaasiviup ilisimatusaat imatut qulequtaqartoq tapersersorpaa:
Kalaallit Nunaanni inuusuttuuneq illoqarfinnullu noorarneq. Sisimiuni inuusuttut piorsarsimassutsikkut atugaannik
nutserarnerannillu misissuineq:
piginnaaneqarneq, nutaaliorneq
takorluugaqarnerlu.
Suliniummi ilaatinneqassaaq Sisimiuni inuusuttut piorsarsimassutsikkut
atugaat pillugu saqqummersitaliaq minnerusoq.
Suliaq taanna 2008-mi saqqummersitassatut siunertaralugu
Sisimiut Katersugaasiviani sulisut
peqatigalugit suliarineqassaaq.
|
|
|
|
Katersugaasiviup ataavartumik sulisuinut kiisalu suliniutinut atatillugu avataaniit suleqatinut suliassat:
|
|
Allaffeqarfik:
|
|
Akisussaasut: kontormedhjælper
aamma museumsleder.
Allaffeqarfiup suleriaatsinik
takussutissartalinnik ineriartortinneqarnera,
allaffissornermut atortunik
peqqumaasiveqarneq kiisalu
kioskip ingerlanneqarnera
2006-mi nanginneqarluni.
|
|
|
|
|
|
Nalunaarsuineq:
|
|
Akisussaasut: museumsleder
aamma kontormedhjælper.
Tunniussat salinneqartarput,
nalunaarsorneqarlutik poortorneqarlutillu.
Taamatut suliaqarneq ulluinnarni katersugaasivimmi
suliassat pingaarnerit ilagivaat. Sisimiut Katersugaasiviani
sulisut 2005-ip ingerlanerani
tunniussanik nalunaarsueriaatsimut
REGIN/Grønlandimut Kalaallit
Nunaannut naleqqussakkamut
pikkorissarnermi peqataapput,
katersugaasiviullu ukiut
ingerlanerini nalunaarsukkani
nalunaarsueriaatsimut tassunga
nutaamut nuutsitissavai.
|
|
|
|
|
|
Illunik nakkutilliineq:
|
|
Akisussaasut: museumsleder.
Katersugaasiviup illuutai
ullut tamaasa misissorneqartarput aserornerillu
annikinnerusut suliarineqartarlutik.
Katersugaasivik Sisimiut Kommuniani imermik, innaallagissamik kiassarnermillu atuinermi misissuisitsinissaanut pilersinneqaqqammersumut
ilaavoq.
|
|
|
|
|
|
Katersuineq:
|
|
Akisussaasut museumsleder
Sisimiuni amutsiviup umiatsianillu sannaviata matuneqarnerinut atatillugu katersugaasiviup amutsivimmi sulisutoqaasimasut peqatigalugit
amutsiviup atortorisimasaanik
katersuineq aallartippaa.
Katersugaasiviup 2006-ip ingerlanerani
atortunik taakkuninnga nalunaarsuineq aallartissavaa.
Atortut immikkut toqqakkat siunissaq ungasinnerusoq eqqarsaatigalugu
katersugaasiviup umiatsinik
saqqummersitaani ilaatinneqalissapput,
amutsiviusimasup oqaluttuassartaanik
paasissutissatut tapertassatut.
|
|
|
|
Suliniutit ingerlareersut:
|
|
Erinarsuutit:
|
|
Akisussaasut: kontormedhjælper
aamma museumsleder,
avataaneersunik suleqateqarluni.
Katersugaasiviup katersugarai
erinarsuutit tussiutillu
amerlasuut naqinnikuunngitsut
naqiternikullu. Katersat
ilaat saqqummiussassatut
suliarineqarput. Suliaq
2005-mi 2006-milu nangeqqinneqarpoq.
|
|
|
|
|
|
Oqaluttuatoqqat:
|
|
Akisussaasoq: avataaniit suleqatigisaq.
Oqaluttuatoqqat amerlangaatsiartut
katersorneqarsimapput. Katiternera
naammassineqarpoq nutsigassanngortillugunassiutereerpoq.
Suliaq uninngatinneqarallarpoq.
|
|
|
|
|
|
Sisimiut
ukiuni 250-ni:
Saffiorfitoqaq:
|
|
Akisussaasoq: museumsleder.
Ukioq 2006-mi Sisimiuni
nalliuttorsiutigineqassaaq ukiut
250-it matuma siornatigut
niuertoqarfik Holsteinsborg-i
tunngavilerneqarmat. Sisimiut Kommuniata
illoqarfiup oqaluttuassartaa
nutaajunerusoq pillugu paasissutissanik katersuisussanik
atuakkiortussanillu suleqatigiisitaliamik
pilersitsivoq Sisimiut Katersugaasiviat ataqatigiissaarisoralugu. Pilersaarutigineqarpoq
atuagaq 2006-mi saqqummersinneqassasoq.
Akisussaasut: museumsleder
Katersugaasivik 2005-ip naajartulernerani
KGH-toqqap saffiorfikuani
massakkut katersugaasivimmit
pigineqartumi B-54-mi taliteringaatsiarpoq.
Katersugaasivillu 2006-mi illup
saffiorfittaa qanga saffioriaaseq pillugu saqqummersitsivissatut aaqqissuullugu
ilusilersussavaa.
|
|
Misissuilluni suliaqarnermi periarfissat atortullu:
|
|
Sisimiut
Katersugaasiviat ilisimatusartunut avataaneersunut tapersiisinnaavoq
makkunnga:
Ilisimatusartunut inissaq. Katersugaasivik ilisimatusartunut
avataaneersunut ullormut
300 kr.-nilersillugu ineeqqamik
najugaqarfigineqarsinnaasumik pilersitsisimavoq,
uffarfimmut iggavimmullu
atuinissamik periarfissalimmik.
Misissuinermi suliffik. Katersugaasiviup
neqeroorutigisinnaavaa suliffik
makkuninnga atortulik: Qarasaasiaq, internetti, oqarasuaat, telefax, kopimaskina
allallu.
Atuagaateqarfik. Katersugaasivik
tamalaarpassuarnik atuagartalimmik
atuagaateqarfeqarpoq. Atuakkat
amerlanerpaartaat Kalaallit
Nunaata oqaluttuassartaanut,
issittumi qangarnisarsiornermut,
naliginnaasumik qangarnisarsiornermut,
issittumi inuit inuiaqatigiillu pissusiinik ilisimatusarnermut tunngapput.
Atuagaateqarfik tamanut
ammavoq, atuakkalli angerlaallugit atoqqusaanngillat.
|
|
|
|
Webmaster Sisimiut Museum 25. januar 2010
|
